بحثي كان عن قلق المستقبل لدى اليتيمات
كان لي ذكريات حلوه في ذي الماده مع اني ماكنت متحمسه لها ابدا
في البدايه رحت جمعيه البر وقدمت طلب تطبيق استبياني عندهم وتم رفض طلبي ،بس الحلو اني شفت جزء بسيط من حياتهم
كان عندي فضول اشوف حياتهم كيف
و بعدها احترت كيف اكمل بحثي خاصه اني جمعت دراسات وسويت الفصل الاول والوقت راح علي لانهم ماردوا بسرعه علي
حسيت بااحباط وقتها
تذكرت في لحظه وحده تشتغل في جمعيه البر في مدينه غير اللي انا فيها وفعلا ماقصرت وسويت بحثي وكملته
من بداية السمستر هذا وانا حلمي بس يمر يوم مناقشة بحث التخرج
لاني تعبت فيه وكل شوي تطلع لي عقبه والحمدلله تعدي
وكنت اتوقع اني بكون في قمه سعادتي لاني باانتهي من هم بحث التخرج خاصه واني خلصت الدوريات والتكاليف
لكن بعد ماناقشت وانتهيت حسيت بحزن
لاني بااتخرج واودع جامعتي وقسمنا علم النفس
فعلا قسمنا فيه ميزه ماحد يقدر يعرفها الا لما يجرب التدريس على يد دكاترته
اخذت مواد عامه ومواد حره ومواد في تخصصي فيه فرق واضح بين اسلوب تعامل دكتوراتنا وباقي الدكتورات اللي اخذت عندهم
فيه احترام فيه تقدير فيهم انسانية وطيبه
الله يجزاهم خير هذا اللي اقدر اقوله
ليست هناك تعليقات:
إرسال تعليق